FFK me njoftim të rëndësishëm para ndeshjes së Kosovës me Anglinë

Federata e Futbollit e Kosovës (FFK) ka bërë një njoftim publik për qytetarët para ndeshjes së Përfaqësueses së Kosovës ndaj Anglisë.

Kosova është nikoqire e Anglisë në takimin e fundit eliminator të Euro 2020 të vlefshëm për Grupin A.

Ky takim prestigji për të dy vendet mike pritet të zhvillohet sot (e diel) në stadiumin “Fadil Vokrri” me fillim nga ora 18:00.

Lexo po ashtu Detajet e ndeshjes Kosovë 0-4 Angli

FFK ka bërë një njoftim publik, ku ka sqaruar në detaje të gjitha gjërat rreth ndeshjes: nga hapja e dyerve të stadiumit, deri tek gjërat e lejuara dhe të ndaluara.

Njoftim për publik

Ndeshja Kosovë – Angli, 17 nëntor 2019, 18:00 – Kualifikimet për Euro 2020

Federata e Futbollit e Kosovës njofton opinion publik se dyert e Stadiumit “Fadil Vokrri” për ndeshjen kualifikuese Euro 2020, Kosovë – Angli, me datë 17 nëntor 2019, do të hapen në ora 16:00 ndërsa ndeshja fillon prej orës 18:00.

Asnjë person, përfshirë edhe fëmijët pavarësisht moshës nuk do të lejohen të hyjnë në zonën e stadiumit pa biletë.

Në hyrjet e stadiumit si dhe brenda stadiumit do të aplikohen masa të rrepta kontrolli prandaj luten të gjithë qytetarët që të lexojnë me kujdes rregullat e mëposhtme dhe t’i respektojnë kërkesat.

Qytetarët të cilën nuk i përfillin rregullat e sigurisë mund të jenë subjekt për ndëshkim nga organet ligjore.

Rregullat:

1. Dyert e stadiumit hapen në ora 16:00.
2. Luten qytetarët që të vijnë me kohë në stadium, duke filluar nga ora 16:00 për të shmangur tollovinë.
3. Nuk shiten bileta në zonën e stadiumit. Qytetarët të cilët nuk kanë biletë luten të mos vijnë në zonën e stadiumit sepse shkaktojnë tollovi. Qytetarët pa biletë do të largohen nga policia.
4. Nuk lejohet hyrja pa biletë. Një bilete një person. Asnjë person, pavarësisht moshës, nuk do të lejohet të hyjë në stadium pa biletë. Kjo vlen edhe për femijët.
5. Gjërat qe nuk lejohen në stadium do te konfiskohen në hyrje. Gjërat e palejuara përfshijnë:

– Mjetet piroteknike

– Shishet e qelqit pavarësisht madhësisë

– Shishet e plastikës pavarësisht madhësisë

– Pijet alkoolike dhe substancat narkotike

– Ushqim i çfarëdo lloji (përveç ushqimit te fëmijëve 24 muajsh) si fara, çipsi, smoki, kikirikë, lajthi, badem, etj.

– Ombrella

– Armë zjarri ose armë të ftohta apo çfarëdo mjeti tjetër që mund të përdoret si armë

– Sende të rënda (çanta shpine, karrige të palosshme, etj) etj.

– Kamera profesionale dhe video kamera

– Pajisjet elektronike, mekanike ose manuale, që prodhojnë zhurmë, si megafonë, bori ose vuvuzele

– Materialet promovuese ose komerciale

– Çdo material promovues racist, ksenofobik, politik, fetar

6. Luten qytetarët që gjatë intonimit të himneve të respektohet qetësia
7. Qytetarët njoftohen që, për arsye të sigurisë, nuk lejohet bllokimi i rrugëve të evakuimit në tribuna. Prandaj, ulja në shkallët e stadiumit është rreptësisht e ndaluar.

/Telegrafi/