LAJMI I FUNDIT:

Ferizaj fiton ndaj Prishtinës dhe kualifikohet në finalen e ‘play-offit’ në Superligën e hendbollit

Ferizaj fiton ndaj Prishtinës dhe kualifikohet në finalen e ‘play-offit’ në Superligën e hendbollit
(Foto: kosovahandball.info)

Një ndeshje shumë të fortë e dramatike kanë zhvilluar të mërkurën mbrëma hendbollistet e Prishtinës dhe ato të Ferizajt. Në fund fitore shënoi Ferizaj me një gol dallim, 30-29, për të bërë vend në finalen e ‘play-offit’ të Superligës së Kosovës.

Ferizaj u kualifikua në finale pas dy fitoreve ndaj Prishtinës. Prishtina e kishte fituar ndeshjen e parë në kryeqytet, ndërsa Ferizaj kishte fituar në shtëpi për të barazuar rezultatin në 1-1. Ndeshja e tretë dhe përcaktuese e gjysmëfinales u luajt të mërkurën mbrëma dhe ishte shumë interesante.

Ferizaj e nisi më mirë ndeshjen dhe ishte në epërsi të lehtë deri në minutën e dhjetë. Më pas Prishtina kaloi para dhe krijoi epërsi deri në pesë gola, 13-8. Pjesa e parë përfundoi 15-13 në të mirë të Prishtinës. Ferizaj ktheu epërsinë në minutën e 36-të, 17-16. Më pas u luajt lojë shumë e fortë dhe e barabartë.


Asnjëra skuadër nuk ia doli të shkëputet më shumë se një gol deri në minutën e 56-të kur Ferizaj doli dy gola para, 28-26. Më pas Ferizaj kishte epërsi edhe prej 29-27, por Alma Nivokazi shënoi dy gola për 29-29. Golin e fundit e realizoi nga penalltia. Ferizaj e kishte aksionin e fundit, ndërsa fitoi faul kur koha e rregullt përfundoi. Gjuajtjen e fundit e ekzekutoi braziliania Ligia Da Silva, që ia doli të shënoi për festën e madhe të ferizajaseve.

Laticia Da Silva ishte më efikasja te Ferizaj me 13 gola. Gjashtë i kishte Albulena Basha, ndërsa nga katër i shënuan Mimoza Sefedini e Ligia Da Silva.

Te Prishtina më efikasja ishte Alma Nivokazi me tetë gola, sa i realizoi edhe Melike Ipçi. Pesë herë realizoi Ivana Bojoviq, ndërsa katër gola i shënoi Aida Stagova. Te të dy skuadrat janë dalluar edhe portieret me numër të madh të pritjeve.

Ferizaj në finale të ‘play-offit’ takohet me Istogun. Ndeshja e parë është të shtunën në Istog.

Në trend Sport

Më shumë
Ancelotti emëron ekipin e vetëm që mund të fitojë Ligën e Kampionëve këtë sezon

Ancelotti emëron ekipin e vetëm që mund të fitojë Ligën e Kampionëve këtë sezon

Liga e Kampionëve
Ishte afër kalimit në Ligën Premier, lojtari kroat përjashtohet për katër vite nga futbolli

Ishte afër kalimit në Ligën Premier, lojtari kroat përjashtohet për katër vite nga futbolli

Ligat tjera
Gjiganti evropian kontaktoi Viniciusin pasi refuzoi kontratën e re me Real Madridin

Gjiganti evropian kontaktoi Viniciusin pasi refuzoi kontratën e re me Real Madridin

Ndërkombëtare
Gjyqtari legjendar italian, Collina kërkon ndryshimin e rregullit të goditjes së penalltisë

Gjyqtari legjendar italian, Collina kërkon ndryshimin e rregullit të goditjes së penalltisë

Ndërkombëtare
Paul Pogba mund t'i bashkohet klubit të njohur italian

Paul Pogba mund t'i bashkohet klubit të njohur italian

Serie A
Sonte në një stadium të kategorisë së dytë luhet Liga e Kampionëve - gjendja e fushës i ka shqetësuar të gjithë

Sonte në një stadium të kategorisë së dytë luhet Liga e Kampionëve - gjendja e fushës i ka shqetësuar të gjithë

Liga e Kampionëve
Kalo në kategori