Ferguson i bën të qarta ndjenjat e tij për shkatërrimin e ‘Old Trafford’ dhe ndërtimin e stadiumit të ri

Manchester United ka njoftuar planet e tyre për ndërtimin e një stadiumi të ri me një kapacitet prej 100 mijë ulësesh dhe tashmë është bërë zbuluar edhe pikëpamja e Sir Alex Ferguson pas këtij zhvillimi. 

Të martën, imazhet konceptuale dhe modelet e shkallëzuara të dizajnuara nga arkitekti Lord Norman Foster, u prezantuan në Londër me Sir Jim Ratcliffe që bëri një njoftim zyrtar. 

Stadiumi pritet të jetë më i madhi në Mbretërinë e Bashkuar dhe pritet të ndërtohet në të njëjtën zonë si ‘Old Trafford’, që ka qenë shtëpia e United qysh nga viti 1910. 

Tifozët ishin konsultuar rreth kësaj ideje dhe tashmë ish-trajneri legjendar i Unitedit, Sir Alex Ferguson ka dhënë mbështetjen ndaj këtij projekti. 

Lexo po ashtu Manchester United prezanton planet ambicioze për të ndërtuar 'stadiumin më të madh në botë'

“Manchester United duhet të tentojë gjithmonë më të mirën në gjithçka që bën, brenda dhe jashtë fushës, kjo përfshin edhe stadiumin ku luajmë”. 

“Old Trafford mban kaq shumë kujtime të veçanta për mua personalisht, por ne duhet të jemi të guximshëm dhe të shfrytëzojmë këtë mundësi për të ndërtuar një shtëpi të re, për të ardhme, aty ku historia e re mund të ndërtohet”, ka thënë Ferguson. 

Projekti i cili mund të shoh rreth 17 mijë njësi banesore të reja, mund të ndërtohet brenda pesë viteve dhe tashmë ka siguruar fonde nga qeveria për rigjenerimin e zonës. 

Në muajin shtator, kryebashkiaku i Mançester, Andy Burham kishte thënë se United nuk po kërkon publikisht para për financimin e stadiumit i cili pritet të kushtojë 2 miliardë euro./Telegrafi/