Fenomeni: Ronaldo do zgjidhet lojtari i vitit

Ish-sulmuesi brazilian, Luis Nazario da Lima Ronaldo ka treguar preferencat e tij për lojtarin e vitit nga FIFA.

Pas pak fillon ceremonia zyrtare e ndarjes së cmimeve kryesore të vitit nga shtëpia e futbollit botëror, FIFA.

Megjithatë, figurat e mëdha të futbollit botëror kanë filluar të vijnë në Londër, aty ku do të mbahet ceremonia.

Lexo po ashtu Messi dhe Ronaldo arrijnë në Londër për ndarjen e çmimeve të FIFA-s (Foto)

Njëri nga ta është padyshim edhe ish-sulmuesi i njohur brazilian, Ronaldo apo i njohur si “Fenomeni”, i cili ka arritur në vendin ku do të ndahen cmimet.

Në pyetjen drejtuar atij se kush do të zgjidhet si më i mirë i vitit, fenomeni ka zgjedhur emnakun e tij, sulmuesin e Real Madridit, Cristiano Ronaldon.

“Ne po flasim për tre lojtarë të jashtëzakonshëm që bëjnë diferencën në çdo ndeshje”, ka thënë fillimisht braziliani Ronaldo.

Lexo po ashtu Fenomeni Ronaldo zgjedh formacionin më të mirë të të gjitha kohërave: Përfshihen Maradona, Pele dhe Messi, por mungon CR7 (Foto)

“Mendoj se çmimi “lojtari më i mirë” do të shkojë për Cristiano Ronaldon për atë që ka bërë me Real Madridin në sezonin që lamë pas”, përfundoi fenomeni.

Ndryshe, në garë për futbollistin më të mirë në botë përveç Ronaldos është edhe Lionel Messi dhe Neymar. /Telegrafi/