Eurodeputetja e padëshirueshme në Shqipëri

Ministria e Jashtme në një konferencë të jashtëzakonshme mesditën e sotme ka shpallur “non grata” eurodeputeten qipriote, .

“Mbështetur në procedurat diplomatike konsullore do të përcillet vendimi për të ndaluar hyrjen e mëtejshme në Shqipëri të eurodeputetes”, reagoi ministria e Jashtme.

“Ky vendim vjen si reagim i detyruar kushtetues e ligjor i institucioneve të Republikës së Shqipërisë, ndaj shfaqjeve të përsëritura ekstremiste të eurodeputetes Eleni Theocharous. Prononcimet e saj që nxisin urrejtjen, cenimin e rendit kushtetues të vendit tonë, ngritjen e pretendimeve territoriale ndaj Republikës së Shqipërisë, nuk mund dhe nuk do të mund të bëhen më në tokën shqiptare. Mbështetur në procedurat diplomatike dhe konsullore, Ministria për Evropën dhe Punët e Jashtme e Republikës së Shqipërisë, do të përcjellë nëpërmjet kanaleve diplomatike vendimin për të ndaluar hyrjen e mëtejshme në Shqipëri të Eleni Theocharous”, thuhet më tej në deklaratë.

Ky vendim vjen pas reagimeve të eurodeputetes në “Twitter”.