Erdogan sulmon UEFA-n për dënimin e dhënë ndaj Demiral: Ky është një ndëshkim për Turqinë

Presidenti turk Reccep Tayyip Erdogan ka kritikuar UEFA-n për vendimin e saj për të pezulluar mbrojtësin Merih Demiral për përshëndetjen dhe gjestin e tij të diskutueshëm.

Në një deklaratë për agjencinë e lajmeve Anadolu, Erdogan, i cili spontanisht udhëtoi në Gjermani për çerekfinalen mes Holandës dhe Turqisë (2:1), kritikoi UEFA-n për pezullimin e mbrojtësit.

Demiral shënoi dy gola për Turqinë në fitoren 2-1 ndaj Austrisë, duke festuar golin e dytë duke ngritur duart lart dhe duke treguar përshëndetjen e Ujqërve Gri, një grup ultra-nacionalist turk.

Lexo po ashtu UEFA tregohet e pamëshirshme ndaj Demiralit, i shqipton dënimin pas 'festës nacionaliste'

Ujqërit gri përfaqësojnë një ideologji që pretendon se raca turke është superiore ndaj të tjerëve dhe përpiqet të bashkohet në një vend nga Ballkani deri në Kinë.

Shtëpia më e madhe e futbollit evropian, UEFA vendosi të jetë strikte me Merih Demiral dhe ta pezullojë atë për përshëndetjen e të ashtuquajturve. “Ujqërit gri” në ndeshjen ndaj Austrisë.

Për Erdoganin, ky vendim është “i pashpjegueshëm dhe thjesht politik”.

Lexo po ashtu Erdogan u fut në dhomën e zhveshjes së Turqisë pas eliminimit nga Euro 2024, pati disa fjalë për lojtarët dhe trajnerin Montella

“Sinqerisht, ajo hodhi një hije të keqe në Kampionatin Evropian. Në fakt, ky është një ndëshkim për Turqinë si komb dhe është një vendim i pashpjegueshëm dhe thjesht politik”, tha Erdogan.

Nga këndvështrimi i tifozëve turq, ky përshëndetje nuk është racizëm, por simbol kombëtar i turqve dhe sigurisht nuk është çudi që ata nuk janë dakord me vendimin e UEFA-s. /Telegrafi/