Ëndrra e Laportas vdes me shpejtësi – trajneri ikonik nuk do t’i përgjigjet interesimit të Barcelonës

Barcelona është në kërkim të një trajneri të ri, pavarësisht se drejtori sportiv, Deco, pohon se ata ende nuk janë duke u fokusuar në gjetjen e një zëvendësuesi për Xavi Hernandez.

Tashmë një sërë emrash janë sugjeruar për stolin e Blaugranave, por njëri ka spikatur si ‘ëndrra’ e Presidentit Joan Laporta – Jurgen Klopp.

Trajneri i Liverpoolit gjithashtu njoftoi në janar se do të largohej nga Anfield pas nëntë sezonesh dhe do të shkonte në pushim.

Pavarësisht kësaj, ka pasur raporte se Laporta mund të përpiqet ta bindë atë të kundërtën dhe do të hidhte gjithçka që mundej për ta marrë atë.

Lexo po ashtu Shtatë zëvendësuesit e mundshëm të Xavit dhe reagimet e tyre për punën e trajnerit te Barcelona

Megjithatë, sipas Catalunya Radio, Klopp e ka vendosur dhe nuk do të pengohet nga pushimi i tij njëvjeçar. Pavarësisht nëse Laporta e thërret, apo çfarë i ofrojnë, ai nuk do të menaxhojë sezonin e ardhshëm.

Kjo nuk është saktësisht e papritur. Klopp do të hynte në një situatë të pasigurt, me Barcelonën që zotëron pak fuqi shpenzuese dhe mbështetet te të rinjtë.

Për dikë të cilit i mungon energjia, siç pretendoi Klopp, është larg nga puna ideale tani dhe ai do të ketë mundësitë e tij të zgjedhura në vazhdim. /Telegrafi/