Emery: Dua të fitoj gjithçka me PSG-në

Trajneri i Paris Saint-Germain, Unai Emery është i patrembur nga pritjet që ai do të përballet pas marrjes përsipër të detyrës nga Laurent Blancm, pasi thotë se ai dëshiron të fitojë gjithçka.

Ish-bosi i Sevillas, Emery, javën e kaluar u konfirmou si zëvendësim për Blanc, i cili është kritikuar për dështimin e tij për të ofruar lavdinë e Ligës së Kampionëve, ndërsa trajneri spanjoll ka shijuar sukses të madh në konkurrencën kontinentale, pasi ka fituar tre Liga të Evropës dhe është i etur për më shumë trofe.

“Pritjet e PSG-së janë jashtëzakonisht të larta. Është një klub i fituesve. Ne duam të fitojmë gjithçka. Ekipi nuk ka asgjë kufi”, ka thënë Emery.

“Liga e Kampionëve? Natyrisht ky është një qëllim i rëndësishëm, por ka edhe të tjerë. Qëllimi ynë është që të vazhdojë duke përparuar, duke u përmirësuar dhe duke u rritur”

“Ka optimizëm të madh. Me ekipin aktual, unë mendoj se ne mund të arrijmë gjëra të mëdha”, deklaroi ish trajneri i Sevillas.

PSG kanë qenë aktiv në merkato, duke nënshkruar me sulmuesin Hatem Ben Arfa, mesfushorin Grzegorz Krychowiak dhe mbrojtësin Thomas Meunier, por Emery ka lënë të kuptohet se ka ende nevojë për të forcuar sulmin para fillimit të sezonit të ri.

“Ne ende kemi nevojë për të bërë disa rregullime dhe jemi aktualisht në kërkim për opsionin e përsosur për të forcuar sulmin tonë”, përfundoi Emery. /Telegrafi/