Elmedina e vogël dhe lufta e saj për shërim: E harruar nga shteti, por jo edhe nga vullnetmirët (Foto)

Familja dhjetë-anëtarëshe Bellopoja nga fshati Reznik i Komunës së Vushtrrisë, vazhdon të jetojë në shtëpinë tri dhomëshe. Por, ky nuk është halli i vetëm i kësaj familje.

Elmedina 14-vjeçare, qysh kur lindi u përball më probleme shëndetësore. Gjendje e saj bëhet edhe më e vështirë pasi për shkak të kushteve jo të mira ekonomike, nuk arrin të sigurojë barnat e nevojshme.

“Për momentin gjendjen e ka tash pak ma mirë, por duhet me kontrolle çdo te katërtën ditë. Çdo dy javë 25-30 euro barna i blej”, thotë babai i saj, Muhamet, teksa flet për veshkat që mundojnë të bijën.

Ai thotë se asnjëherë nuk ka marrë ndihmë nga shteti e se ndihmën më të madhe e ka pasur nga bashkëfshatarët.

“Na kanë ndihmuar shumë, sidomos prej diasporës. Na kanë ndihmuar me diku 22 mijë euro për këtë shërim që e patëm në Turqi, Zoti i shpërbleftë. Krejt dokumentet janë në Ministri, po kurrë as thirr nuk kanë. As Komuna hiç”, thotë ai.

Elmedina që një vit ka ndërprerë edhe shkollimin. Dëshira e saj e vetme është që të kthehet në bankat shkollore dhe të vijojë mësimet si të gjithë bashkëmoshatarët. /KP/