Elgit Doda: Jam me Noizyn, artistin që edhe pse është kërcënuar e sulmuar sot gjendet padrejtësisht nën akuza nga drejtësia në Kosovë

Noizy u arrestua në mesnatë në Shëngjin pasi prej disa ditësh u shpall në kërkim nga Policia e Kosovës bashkë me DJ Crax, e së fundmi edhe me Stresin.

Kjo për një ngjarje të ndodhur në Pejë, ku grupi i tij u përfshi në një përleshje me një grup tjetër, përkatësisht Tiktok-erin, Medi Iseni.

Noizy dhe DJ Crax u tha nga Policia e Shtetit se do të ekstradohen në Kosovë dhe janë të akuzuar për veprën, ‘lëndim i rëndë trupor’.

Një reagim në lidhje me këtë e ka bërë edhe miku i tij i ngushtë, artisti Elgit Doda.

Lexo po ashtu Ministrja Haxhiu nënshkruan kërkesën për arrestimin e Noizyt dhe DJ Crax

Ai thotë se kjo që po i bëhet Noizyt është e padrejtë dhe se reperi nuk ka reaguar asnjëherë pavarësisht ofendimeve që ka marrë në rrjete sociale.

Postimi i plotë i Elgitit:

“Të jesh artist dhe njeri publik nuk do të thotë të jesh i cënueshëm dhe tabelë qitje për kërcënime, shantazhe, fyerje e denigrime të imazhit.

Unë jam sot me Noizyn, artistin, që pasi është kërcënuar, sulmuar e dhunuar verbalisht bashkë me familjen, sot gjendet padrejtësisht nën akuzë nga drejtësia në Kosovë dhe i ndaluar në Shqipëri.

Ne respektojmë institucionet, respektojmë ligjet, por sa të sigurt duhet të ndihemi ne dhe familjet tona, kur shohim se drejtësia vepron në disa standarde? Kur shkohim që disa personazhe përdorin Tik Tok-un dhe rrjetet sociale për të kërcënuar me jetë, më pas i dalin zot dhunës së tyre verbale, e prapëseprapë nuk u hy gjemb në këmbë?

Ndërkohë që Noizy, personazhi publik që e kanë atakuar me sulme nga më të ulëtat, ndalohet pa patur asnjë provë kundër tij?

Sot jam me Noizyn, për të mbrojtur artistët dhe artin. Jam me Noizyn për të mbrojtur njeriun e përkushtuar ndaj punës dhe vlerave që mbart arti. Jam mne Noizyn për të mbrojtur veten dhe familjen. Sepse drejtësia duhet të ketë një dhe vetëm një standard.

Ju ftoj të gjithëve të jeni me Noizyn, për t’i dhënë mbështetje atyre që janë tabelë qitje në TikTok, që sulmohen dhe kërcënohen familjarisht nga njerëz të identifikuar qartë në rrjetet sociale, por që kurrë nuk ka ndëshkim për aktet e tyre të dënueshme nga ligji.

T’i themi ndal mediave të rreme. Stop mashtrimit, drejtësi e barabartë, fund marrëzisë, unë jam me vlerat”. /Telegrafi/

View this post on Instagram

A post shared by Giti (@elgitdoda)