Ekzistojnë shtatë lloje të gjokseve – cilat i keni?

Nëse gjithmonë keni menduar se ekzistojnë vetëm dy lloje të gjokseve – të vogla dhe të mëdha – atëherë e keni gabim

Sipas kompanisë së sytjenave ‘ThirdLove’, ekzistojnë shtatë lloje të ndryshme të gjokseve te gratë, transmeton Telegrafi.

Përderisa të gjitha llojet e gjokseve janë normale dhe padyshim të bukura, është mirë ta dini formën e saktë të gjokseve tuaja për t’i blerë sytjenat më të përshtatshmet.

Pra, më poshtë i keni këto shtatë lloje të gjokseve, dhe herën tjetër, përpiquni që sytjenat t’i blini në bazë të formës së gjokseve që i keni.

Lloji i parë: Gjokset asimetrike

Ky lloj i gjokseve është kur njëri gjoks është i madh se tjetri.

Lloji i dytë: Forma e kambanës

Këto janë gjokset e mëdha, ku zakonisht në maje janë më të ngushta dhe pastaj shumë më të mbushura.

Lloji i tretë: Lindje-Perëndim

Kjo formë e gjokseve quhet kështu, pasi që thimtha e njërit gjoks është e drejtuar kah lindja, ndërsa thimtha e tjetrit gjoks kah perëndimi – pra kanë kahje të kundërt.

Lloji i katërt: Gjokset me hapësirë në mes

Një hapësirë e gjerë gjendet mes këtyre dy gjokseve; ndërsa thimthat janë të drejtuara më drejt sesa të formës së tretë.

Lloji i pestë: Gjokset e holla

Zakonisht këto janë gjokse të vogla e të holla, dhe pa shumë inde gjoksi.

Lloji i gjashtë: Forma e ‘lotit’

Ky lloj është thuajse i ngjashëm me formën e kambanës, por këto identifikohen më lehtë nga anash.

Lloji i shtatë: Gjokset me formë rrethore

Këto janë gjokse të mbushura dhe me formë rrethore, shpeshherë të fituara me ndërhyrje kirurgjike, por shumë femra i kanë edhe në mënyrë natyrale.

/Telegrafi/