Ekspozitë e fotografive historike për 60 vjetorin e Marrëveshjes së Romës

Delegacioni i BE-së dhe Ambasadës së Italisë në Shkup sot në hollin e Operës dhe baletit të Maqedonisë organizojnë ekspozitë ‘Union edhe më i afërt’ me rastin e 60 vjetorit të Marrëveshjes në Romë, përcjell Telegrafi Maqedoni.

Ekspozita është organizuar nga Arkivi historik Evropian në kuadër të Institutit të Universitetit evropian dhe bazohet në dokumentin e arkivit dhe fotografive nga Arkivi historik i BE, Arkivi diplomatik i BE-së, Arkivi diplomatik historik i MPJ-së italiane dhe bashkëpunimi ndërkombëtar dhe arkivi i ANSA-s, njofton AIM.

‘Më 25 mars, BE-ja festoi 60 vjetorin nga Marrëveshja e Romës që e hapi rrugën për BE-në që ne e dimë sot: kontinent sërish i bashkuar për paqe, i bazuar ndaj vlerave të solidaritetit, demokracisë dhe qeverisjes së të drejtës. Tregu i saj i vetëm siguron liri të përzgjedhjes dhe lëvizjes, zhvillim ekonomik dhe prosperitet për 500 milionë qytetarë, me çka paraqet bllok më të madh tregtar në botë dhe donator më të madh të ndihmës zhvillimore dhe humanitare’, kumtoi delegacioni i BE-së në Shkup.

Ekspozitën me rastin e jubileut do të hapin euroambasadori Samuel Zhbogar dhe ai italian Karlo Romeo. /Telegrafi