​Eksperti i OBSH: Bota duhet të jetojë me kërcënimin e coronavirusit

“Bota duhet të jetojë me kërcënimin e coronavirusit ‘për të ardhmen e parashikueshme’ pasi nuk ka garanci për një vaksinë të suksesshme”, është shprehur eksperti i shëndetit David Nabarro, profesor i shëndetit global në Imperial College London dhe përfaqësues i OBSH-së.

“Jo domosdoshmërisht mund të zhvillohet një vaksinë e sigurt dhe efektive kundër çdo virusi. Disa viruse janë shumë të vështira kur bëhet fjalë për zhvillimin e vaksinave”, ka shtuar ai për Observer.

Pra, për një të ardhme të parashikueshme, ne do të duhet të gjejmë mënyra për të vazhduar jetën tonë me këtë virus si një kërcënim i vazhdueshëm.

Kjo do të thotë të izolohen ata që tregojnë shenja të sëmundjes dhe gjithashtu personat që kanë patur kontakte me ta. Njerëzit e moshuar do të duhet të mbrohen. Për më tepër, aftësia spitalore për trajtimin e rasteve do të duhet të sigurohet. Kjo do të jetë “një normale e re” për të gjithë ne.

Studiuesit në të gjithë botën po punojnë në mënyrë të dëshpëruar për të zhvilluar një vaksinë të përparuar.

Por një profesor i lartë i Universitetit të Oksfordit, paralajmëroi se nuk është e sigurt nëse do të jetë e mundur të prodhohet një vaksinë. /kp/Telegrafi/c