Kosnett mirëpret vendimin e Veselit për t’i shkarkuar zyrtarët me aktakuza

Pas Apostoloves, edhe ambasadori amerikan, Philip Kosnett ka mirëpritur vendimin e kryetarit të PDK-së, Kadri Veseli, për largimin nga të gjitha pozitat partiake dhe institucionale zyrtarët e kësaj partie që kanë aktakuza të konfirmuara nga institucionet e drejtësisë.

Përmes një shkrimi në Twitter, Kosnett, shprehet se shkarkimi i zyrtarëve me aktakuza duhet të ndodhë edhe në subjektet e tjera politike.

Lexo po ashtu Apostolova pas largimit të zyrtarëve me aktakuza: Partitë tjera ta ndjekin shembullin e PDK-së

Ambasadori ka thënë gjithashtu se, pret që kjo nismë të zbatohet njëmend.

“Vendimi i PDK-së për të pezulluar ose shkarkuar zyrtarët e paditur nga zyra publike është një hap i mirëpritur. Do të shohim zbatimin e plotë dhe një përpjekje gjithëpërfshirëse të të gjitha partive politike për të adresuar korrupsionin sistematik? Nëse jo tani, kur?”, ka shkruar Kosnett.

Ndryshe,Kreu i PDK-së Kadri Veseli të enjten ka thënë se ka liruar nga detyra të gjithë të emëruarit e PDK-së që kanë aktakuza dhe që mbajnë pozita në institucionet publike.

Me këtë vendim dje janë liruar nga detyra Ministri i Inovacionit dhe Ndërmarrësisë Besim Beqaj, zëvendësministri i FSK-së Agim Çeku si dhe këshilltari i kryeparlamentarit Nijazi Kryeziu. /Telegrafi/

PDK’s decision to suspend or dismiss indicted officials from public office is a welcome step. Will we see full implementation, and a comprehensive effort by ALL political parties to address systemic corruption? If not now, when? #RoLinKosovo pic.twitter.com/GZnkm6f3eB

— Ambassador Philip S. Kosnett (@USAmbKosovo) June 21, 2019