E veja e agjentit të helmuar kërkon 3.5 milionë euro dëmshpërblim nga Vladimir Putin

E veja e Alexander Litvinenkos ka paditur shtetin rus në gjykatën Evropiane të të Drejtave të Njeriut (KEDNJ), duke i kërkuar 3.5 milionë euro si kompensim për vrasjen e tij nga helmimi me rrezatim në Londër.

Marina Litvinenko po kërkon dëmshpërblim dhe pagesa për të ardhurat e humbura të akumuluara, raporton theguardian.

Një hetim publik arriti në përfundimin se vrasja e burrit të saj në vitin 2006 thuhej se ishte urdhëruar nga presidenti, Vladimir Putin, transmeton Telegrafi.

Parashtresa gjithashtu kërkon që gjykatësit e Strasburgut të vendosin mbi rëndësinë e modelit të vrasjeve në shënjestër dhe vrasjeve në tentativë të pretenduara të kryera nga agjentët e shtetit rus në të gjithë Evropën dhe Lindjen e Mesme.

Ndër sulmet e listuara janë helmimi i vitit 2018 i Sergei Skripal dhe vajzës së tij, Yulia në Salisburyt dhe vdekja pasuese e Dawn Sturgessit pasi ajo trajtoi një enë të hedhur të mbushur me agjentin nervor novichok.

Lexo po ashtu Litvinenko u vra sepse kishte dëshmitë se Putini është pedofil?!

Ndryshe, Rusia është një anëtare e Këshillit të Evropës, e cila mbikëqyr KEDNJ-në. Deri më sot, gjykata nuk ka dhënë asnjëherë dëmshpërblim. Është nxitur ta bëjë këtë në rrethana të jashtëzakonshme të këtij pretendimi dhe të parandalojë Rusinë që të vazhdojë politikën e saj të eliminimit të fshehtë të kundërshtarëve të presidentit. /Telegrafi/