E rrallë: Zbuluan veprimin e tmerrshëm të tij, prindërit britanikë e dërgojnë djalin e tyre në polici

Një i ri u dërgua në stacionin policor nga prindërit e tij dhe iu tha për të rrëfyer se përdhunonte një vajzë të re që nuk e kishte raportuar kurrë krimin.

Sipas mediave britanike, përcjell Telegrafi, bëhet fjalë për Jack Evans, 18 vjeç, i cili është dënuar me burg për dy vjet pasi pranoi përdhunimin.

Siç thuhet më tej, gjykata dëgjoi që prindërit e tij kishin gjetur një mesazh në telefonin e tij, në të cilën ai i kishte kërkuar falje vajzës dhe duke pranuar se çfarë kishte bërë ishte gabim.

Viktima e tij u gjurmua më vonë nga policia e Merthyr Tydfil në Wales dhe u tha atyre se ajo ishte paguar nga Evans.

Gjykata dëgjoi se Evans do t’i shpëtonte drejtësisë, por që prindërit i thanë atij që të rrëfejë ngjarjen.

“Ajo nuk bëri një ankesë por dy muaj më vonë Evans dhe njerka e tij erdhën në një stacion policie për të thënë atë që kishte ndodhur”.

Ndërkohë, Gareth Williams, duke e mbrojtur, kërkoi një dënim me kusht për shkak të “rrethanave të jashtëzakonshme”.

Ai tha: “Është jashtëzakonisht e rrallë që dikush të pranojë një vepër kaq të rëndë pa pasur ndonjë ankesë”.

Por gjykatësi Tracey Lloyd-Clarke tha që kishte tipare rënduese dhe Evans duhej të dënohej. /Telegrafi/