Tony Bellew bëri realitet atë që shumë pak njerëz në botë e besonin, ndoshta përfshirë edhe vetën e tij.
Boksieri nga Liverpooli mposhti David Haye në duelin e peshave të rënda në O2 Arena të Londrës.
Bellew në këtë meç e nokautoi dy herë legjendarin Haye, ai final erdhi në raundin e 11-të dhe nga këndi i tij u hodh peshqiri duke e dorëzuar luftën.
Teksa Haye mezi po qëndronte i lodhur dhe i rraskapitur nga lufta, por edhe nga lëndimi në nyje që e pësoi gjatë luftë, Tony ndali festën e tij dhe të trajnerit Dave Coldwell, dhe shkoi te këndi i Haye e mori në krahë duke i thënë fjalë pozitive dhe falënderuese.
Kjo e befasoi gjithë botën e boksit pasi Haye dhe Bellew para duelit nuk e duronin njëri-tjetrin, ku nga ofendimet erdhi edhe kacafytja e tyre në konferencën për media. /Telegrafi/
