I lindur dhe i rritur në Shkup aty ku ka nisur dhe rrugëtimin drejt futbollit. Feta Fetai i cilësuar ndryshe Modric shqiptar për shkak të ngjashmërisë së madhe fizike por edhe pozicionit të njëjtë në fushë me yllin madrilen, rrëfen në rubrikën “Talenti Shqiptar” hapat e tij të parë në futboll.
Futbollisti kuqezi tregon se personi që e ka shtyrë drejt futbollit është daja e tij që e përkrah në çdo hap së bashku me prindërit.
Për 8 vite me radhë Fetai ka qëndruar te ekipi i Shkupit, për të kaluar më pas te Rabotnicki aty ku sezonin e kaluar bëri edhe hapin e madh në karrierë me transferimin në Kroaci te Lokomotiva Zagreb. Mesfushori kuqezi ka luajtur edhe me të rinjtë e Maqedonisë së Veriut por ftesën e Shqipërisë e ka pritur gjithmonë. Momentin e debutimit me Kombëtaren U-21 ai e cilëson si një ndjenjë e papërshkrueshme.
Lojtari shqiptar që e motivon është Kristjan Asllani, ndërsa synimet e tij më të mëdha janë të luaj në një prej 5 ligave kryesor në Europë dhe të bëhet sa më shpejt pjesë e Kombëtares A.
Më poshtë intervista e plotë e Feta Fetait, dhënë për faqen zyrtare të Federatës Shqiptare të Futbollit:
Feta, si ka nisur për ju lidhja me futbollin? Ku e keni nisur dhe kush është njeriu që ju ka shtyrë drejt këtij sporti?
Futboll kam nisur të luaj që i vogël në lagjen ku jam rritur në Shkup me shokët e mi. Në moshën 7-vjeçare u regjistrova në ekipin e lagjes FC Shkupi. Njeriu që më ka shtyrë drejt këtij sporti është daja im i cili më përkrah në çdo hap së bashku me prindërit e mi.
Na trego pak për hapat e tua në karrierë? Cili ka qenë ekipi juaj i parë? Po ekipet e tjera?
Ekipi im i parë është Shkupi. Kam luajtur aty për 8 vite me radhë e për të vazhduar më pas te Rabotnicki. Tani aktivizohem në Kroaci te ekipi i Lokomotiva Zagreb.
Feta, në muajin mars të këtij viti pranuat ftesën për të përfaqësuar Shqipërinë U-21 dhe deri më tani keni zhvilluar dy ndeshje. Si u ndjetë kur zbritët në fushë me fanellën kuqezi?
Kur kam zbritur një fushë ishte një ndjenjë e papërshkrueshme e cila vetëm përjetohet dhe është e vështirë të përshkruhet me fjalë. Dua të falënderoj Federatën dhe trajnerin e ekipit Kombëtar U-21, Alban Bushin, për mundësinë e dhënë dhe besimin që kanë tek unë.
Jeni cilësuar si “Modric i ri” por a është në të vërtetë Modric idhulli juaj?
Po është e vërtetë për shkak të pozicionit që luaj dhe ngjashmërisë fizike me Modric më kanë cilësuar si Modric shqiptar. Jam krenar për këtë krahasim, ai është idhulli im dhe shpresoj që edhe unë të kem një karrierë si ai.
Si do ta cilësonit sezonin e fundit me Lokomotiva Zagreb dhe ku e sheh veten në të ardhmen?
Ishte sezoni im i parë me Lokomotiva Zagreb, paksa i vështirë deri sa u ambientova dhe u përshtata me ekipin. Tani ndihem mirë dhe shpresoj që të kontribuoj sa më shumë për ekipin. Për momentin jam i fokusuar për të bërë një sezon sa më të mirë me Lokomotiva Zagreb.
Kush është lojtari shqiptar që ju motivon më së shumti, që e keni si shembull?
Lojtari shqiptar që më motivon është Kristjan Asllani. Karriera e tij është në rritje dhe luan me një klub të madh siç është Interi. Gjithashtu në Europian bëri paraqitje të shkëlqyera dhe është një lojtar i rëndësishëm për Shqipërinë.
Vetë ju personalisht, cilin keni synimin më të madh në futboll?
Kam dy objektiva për të ardhmen. E para të luaj në një nga 5 ligat më të mira në Europë dhe e dyta të bëhem sa më shpejt pjesë e Kombëtares A.
Ëndrra më e madhe me Kombëtaren shqiptare si futbollist?
Ëndrra më e madhe është padyshim të kualifikohemi sërish në Europian dhe të luftojmë për t’u kualifikuar edhe në Botëror. Dua të jap kontributin tim për të arritur këto objektiva dhe shpresoj që në të ardhmen ëndrra të më bëhet realitet.
Promo
Reklamo këtuLufta Prigozhin - Putin
Më shumëNga Rubrika
Spanjollët shkruajnë për një dramë te Real Madrid: Mbretërit morën kredi të madhe në bankë për Kylian Mbappen
Vdekje në fshatin Olimpik: Trajneri pësoi një atak në zemër
Ka kohë që nuk keni parë një gol të tillë – turbullon me driblime disa mbrojtës dhe shënon talenti i Van Persie
Juventusi pyeti te Interi për Davide Frattessin, përgjigja ishte e prerë dhe e shpejtë
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Barcelona do të detyrohet të paguajë më shumë se sa klauzola e lirimit për transferimin e Williams
Francezët po tallen për një gabim të rëndë që kanë bërë gjatë hapjes së Lojërave Olimpike
"Për pak ne mund të synojmë një vend në katërshen e parë, por pse jo edhe më shumë" - mesfushori i ri i Chelseat me fjalë të mëdha për trajnerin
ESPN zgjedh tre lojtarët më të mirë të shekullit – vendi i tretë i befason të gjithë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë