A e gjeni veten në projektin ”Bükwalisht” të Faton Islamit? (Foto/Video)

I riu nga Tetova ka publikuar një video të metrazhit të shkurtër ku ka dashur të bëj krahasimin e shqiptarit, gjermanit dhe amerikanit, njëjtë si nëpër barsoleta, transmeton Telegrafi Maqedoni.

Islami për Telegrafi Maqedoni thotë: ”Është një projekt artistik që shfaq disa prej mangësive tona si popull. Vetë projekti është shfaqja e shtatë episodeve me video mjaft të shkurtra të cilat sado komike të jenë kanë edhe zërin kritik. Në projekt për nga ana artistike mund të themi se ka tre personazhe dhe ato më së miri paraqiten sikur në tregimet qesharake të përparshme tonat me emrat: Amerikani, Gjermani dhe Shqiptari . Përndryshe të tre rolet luhen nga unë Faton Islami me emrin artistik Phatooni.

Të gjitha episodet kanë një mesazh të veçantë dhe secila në veçanti prek një pjesë të audiencës që besoj se është në tërësi Shqiptare.” thotë mes tjerash Islami.

Videon e gjeni KËTU

Faton Islami që i luan tre rolet e këtij seriali me metrazh të shkurtër gjithashtu thotë: ”Qëllimi më i sinqertë është që ti bëj njerëzit të qeshin por gjithashtu edhe të ndalemi e të mendojmë për të gjitha mangësitë që i kemi.”/Telegrafi/