“E do futbollin, nuk i do paratë”, legjenda e Barcelonës tregon pse Messi refuzoi Arabinë Saudite

Sipas legjendës së Barcelonës, Hristo Stoichkov, Lionel Messi refuzoi një lëvizje në Arabinë Saudite sepse ai e do futbollin dhe nuk i do paratë.

Messi vendosi të mos bënte një lëvizje të madhe në Arabinë Saudite, te Al-Hilal, ku thuhet se do t’i kishte fituar plotë 400 milionë euro në vit, por zgjodhi që të nënshkruante për Inter Miami në MLS.

Stoichkov ka treguar se legjenda e Barçës zgjodhi kundër ndjekjes së parave në Lindjen e Mesme dhe ai beson se arsyetimi pas kësaj është dashuria e Messit për lojën e futbollit.

Lexo po ashtu ‘Mbreti i ri i tenisit’ zgjedh formacionin e ëndrrave, Alcaraz befason të gjithë me njohuritë rreth futbollit

“Ne nuk luajtëm për para, ne luajtëm për dashuri”, ka thënë fillimisht Stoichkov për Stats Perform.

“Kjo tregon madhështi. Për mua nuk kishte rëndësi të dija rrogën apo shpërblimet, për mua ishte më e rëndësishme të luaja dhe që njerëzit të më vlerësonin”.

Lexo po ashtu Ish-futbollisti tallet me deklaratën e Ronaldos: Mendoj se është nën ndikim të nargjilës, është xheloz për Messin

“Agjentët kujdesen për gjërat e tjera. Messi vjen të garojë dhe të luajë dhe ai nuk kujdeset për paratë sepse ai e do futbollin”, përfundoi legjenda e futbollit.

Messi nuk ka bërë ende debutimin e tij për Inter Miami; ai ishte planifikuar të luante kundër Cruz Azul më vonë këtë muaj, por bashkëpronari i klubit David Beckham ka pohuar se mund të shtyhet debutimi pasi menaxheri Tata Martino po vlerëson aftësinë e argjentinasit. /Telegrafi/