I dyshuari, i maskuar, po ecte afër një shtëpie – pak para se të sulmonte me thikë fëmijët në Southport të Anglisë – duke vrarë dy prej tyre

Janë shfaqur pamje rrëqethëse të një figure të maskuar duke ecur jashtë një shtëpie që policia bastisi pasi një vrasës me thikë vrau dy fëmijë në një klasë kërcimi në Southport të Anglisë.

Sipas mediave britanike, përcjell Telegrafi, personi, i veshur me një kapuç të gjelbër dhe një maskë fytyre, mund të shihet duke ecur jashtë derës së përparme të pronës rreth 20 minuta para sulmit të së hënës, i cili ndodhi në rrugën Hart aty pranë rreth orës 11:50.

Ai pasoi me vdekjen e dy fëmijëve në “një furi të egër” me thikë që la nënat që vinin për të marrë fëmijët e tyre nga klubi i pushimeve duke bërtitur të tmerruara.

Përveç dy viktimave, 11 të tjerë, përfshirë nëntë fëmijë të tjerë, u goditën me thikë.

Gjashtë fëmijë po luftojnë për jetën e tyre në spital, si dhe dy të rritur, të cilët policia tha se “u përpoqën me guxim t’i mbronin” fëmijët nga sulmi.

Ndër ata që u përpoqën të ndërhynin ishte edhe biznesmeni Jonathan Hayes.

Ai u godit me thikë në këmbë teksa u përpoq të çarmatoste vrastarin me thikë pasi vrapoi për të ndihmuar kur dëgjoi britmat nga zyra e tij.

Ndërkohë një djalë 17-vjeçar, nga Banks, mbetet në paraburgim pasi u arrestua me dyshimin për vrasje dhe tentativë vrasjeje.

Ndërsa u godit nga kjo dhunë e pakuptimtë, sulmi u cilësua ‘tërësisht i tmerrshëm’ nga Mbreti Charles dhe ‘i tmerrshëm dhe thellësisht tronditës’ nga kryeministri Sir Keir Starmer.

Natyra tronditëse – e krahasuar me një skenë të një ‘filmi horror’ – u zbulua në një konferencë për shtyp të policisë të hënën në mbrëmje.

Shefja e policisë së Merseyside, Serena Kennedy, tha: “Oficerët u thirrën për një sulm me thikë në orën 11:47 të mëngjesit të sotëm në një adresë në Southport”.

“Kur mbërritën, ata u tronditën kur zbuluan se shumë njerëz, shumë prej të cilëve ishin fëmijë, ishin nënshtruar një sulmi të egër dhe kishin pësuar lëndime të rënda”.

Mësohet se fëmijët ishin duke ndjekur një ngjarje të Taylor Swift në një sallë vallëzimi, kur i armatosuri me thikë, hyri në ambientet dhe filloi të sulmonte fëmijët brenda.

“Ne besojmë se të rriturit që u plagosën po përpiqeshin me guxim të mbronin fëmijët që po sulmoheshin”. /Telegrafi/