Dy truqe që do t’ju ndihmojnë ta matni temperaturën: Duhet të veproni kështu nëse nuk keni termometër në shtëpi

Temperatura është reagim natyral i trupit ndaj patogjenëve të cilët i shkakton coronavirusi

Temperatura e ngritur e trupit shfaqet, sepse mund të shkatërrojë proteinat e këtyre patogjenëve në mënyrë që të pengojë që të shumohen, transmeton Telegrafi.

Edhe te të gjitha infeksionet e tjera, temperatura është përgjigje inflamatore e trupit ndaj virusit, përkatësisht shenjë që diç e padëshirueshme është futur në organizëm.

Pikërisht për këtë temperatura është një ndër faktorët kryesorë të sëmundjes Covid-19, ndërkaq manifestohet në atë mënyrë që ndieni nxehtësi në prekje në pjesët e gjoksit dhe të shpinës.

Temperatura normale trupore zakonisht është rreth 37 gradë, mirëpo mund të sillet te secili individ varësisht nga koha e ditës.

Mirëpo, çfarë të bëhet nëse nuk keni termometër në shtëpi?

Nëse përdorni prekjen për të përcaktuar temperaturën te ndokush tjetër, është me rëndësi që më parë të prekni lëkurën vetjake, pastaj t’i krahasoni dy temperaturat.

Nëse lëkura e tjetrit është shumë më e nxehtë se juaja – është shenjë e temperaturës.

Edhe një metodë e përcaktimit të temperaturës së lartë është që të tërhiqni lëkurën në pjesën e prapme të parallërës për të verifikuar a ekzistojnë shenja të dehidratimit.

Nëse lëkura shpejt nuk kthehet në vend kjo do të thotë që nuk është elastike, si edhe që është e mundshme që keni temperaturë.

Prekja është metoda më e popullarizuar, por edhe më së paku e saktë.

Në të vërtetë, dushi me ujë të vakët mund përkohësisht të ndihmojë që të ulet temperatura e lartë, mirëpo kjo njëherësh është opsioni më pak i këndshëm për personin i cili ka ethe.

Kur personi ka ethe, trupi shpejt vibron për të shtuar temperaturën e trupit, andaj dushi me ujë të ftohtë në të vërtetë mund të çojë deri në ngritje të temperaturës.

Opsioni më i mirë është të provoni me ujë të ngrohtë. Duke avulluar uji, trupi do të fillojë të ftohet.

Nëse me temperaturë keni edhe kollë të thatë, kjo është shenjë e qartë që të shkoni te kompetentët dhe të verifikoni në mos keni coronavirus.

/Telegrafi/