Prokuroria Themelore në Pejë, përmes Departamentit për Krime të Rënda, ka ndaluar dy persona gjatë 24 orëve të fundit, me urdhër të prokurorit të shtetit.
Lajmi është konfirmuar nga zëdhënësi i Prokurorisë, Shkodran Nikqi, i cili ka bërë të ditur se njëri nga të ndaluarit dyshohet për veprën penale “Vrasje në tentativë”, ndërsa tjetri për veprën penale “Grabitja”, përcjell Telegrafi.
Prokurori i shtetit pritet të paraqesë kërkesë për caktimin e masës së sigurimit ndaj të dy të ndaluarve në procedurë penale.
Hetimet në të dy rastet janë në vazhdim, ndërsa Prokuroria mbetet e përkushtuar për ndjekjen dhe trajtimin me prioritet të rasteve të natyrës së rëndë penale./Telegrafi/
