Dy aeroplanë të aviokompanisë Delta Air Lines u përplasën me shpejtësi të ulët ndërsa po udhëtonin me taksim të mërkurën në mbrëmje në Aeroportin LaGuardia të Nju Jorkut.
Fluturimi 5155 i Endeavor po lëvizte kur krahu i tij ra në kontakt me trupin e aeroplanit të Endeavor fluturimit 5047, ndërsa po udhëtonte me drejt portës së tij pas mbërritjes, tha linja ajrore kur publikoi informacionin paraprak, transmeton Telegrafi.
"Krahu i tyre i djathtë na preu hundën dhe kabinën e pilotit, kemi dëmtime në xhamin e përparmë dhe disa nga ekranet tona këtu", dëgjohet të thotë një pilot në audion e Kontrollit të Trafikut Ajror.
Delta tha se një asistente fluturimi pësoi lëndim të lehtë dhe nuk u raportuan lëndime të pasagjerëve. Asistenti i fluturimit u transportua në një spital aty pranë për masa paraprake, sipas Autoritetit Portual.
Përplasja ndodhi rreth orës 9:56 të mbrëmjes dhe nuk pati ndikim në operacionet e aeroportit, sipas Autoritetit Portual.
"Ekipet e Delta-s në qendrën tonë në Nju Jork-LaGuardia po punojnë për të siguruar që klientët tanë të marrin kujdesin e duhur, pasi dy aeroplanë Delta Connection të operuar nga Endeavor Air u përfshinë në një përplasje me shpejtësi të ulët gjatë taksimit. Delta do të punojë me të gjitha autoritetet përkatëse për të shqyrtuar atë që ndodhi, pasi siguria e klientëve dhe njerëzve tanë vjen para çdo gjëje tjetër. U kërkojmë ndjesë klientëve tanë për përvojën", tha Delta në një deklaratë. /Telegrafi/
