Duncan Ferguson është duke drejtuar Evertonin pas shkarkimit të portugezit Silva.
Tekniku skocez ka luajtur për vite të tëra te Evertoni dhe është një legjendë e klubit.
Ferugson ka udhëhequr Evertonin në tri takime dhe sa herë që skuadra e tij ka shënuar gola festimet e tij kanë qenë të ‘çmendura’, por edhe unike.
E teksa Leighton Baines shënoi golin e barazimit 2-2 ndaj Leicesterit në minutën e 91-të, kamerat fokusuan edhe gëzimin e trajnerit Ferguson.
Skocezi u gëzua jashtë mase, teksa gëzimin e tij e ndau me fëmijët që presin topat jashtë vijave të fushës.
Ky gëzim i trajnerit skocez ka bërë xhiron e botës në rrjetet sociale dhe natyrisht Ferguson është lavdëruar për festimet e tij unike.
47-vjeçari ishte bërë temë edhe pas fitores së skuadrës së tij 3-1 ndaj Chelseat, pikërisht për festimet e tij.
Ferguson me Evertonin si futbollist ka luajtur 10 sezone, fillimisht nga viti 1994 deri më 98 dhe nga viti 2000 deri më 2006. /Telegrafi/
