Duke kënduar rap, 9-vjeçari nga Britania u bën thirrje bashkëkombësve të qëndrojnë në shtëpi

Në kohën kur e tërë bota po bën thirrje që të qëndrohet nëpër shtëpi për të parandaluar përhapjen e coronavirusit, një djalë i vogël nga Britania e Madhe ka gjetur një metodë interesante që një mesazh të tillë t’ua përcjell bashkëkombësve të tij.

Bëhet fjalë për 9-vjeçarin Bradley James nga Sheffield, i cili është veshur sikur kryeministri britanik Boris Johnson, madje duke imituar edhe frizurën e tij ka dalë para kamerës duke performuar një këngë të zhanrit rap, transmeton Telegrafi.

Me tekstin e tij sensibilizues u bën thirrje qytetarë të qëndrojnë nëpër shtëpitë e tyre për të mirën e tyre dhe të tjerëve, në kohën kur Britania e Madhe po ballafaqohet me numrin e madh të prekurve dhe vdekurve nga COVID-19.

Vogëlushi nga Sheffieldi madje sillej sikur është para një konference për media, duke imituar foltoren e kryeministrit britanik Boris Johnson, i cili së fundmi është shtrirë në repartin e kujdesit intensiv pasi i janë rënduar simptomat e coronavirusit. /Telegrafi/