Dukagjin Lipa vetëm 16 vjeçar kishte performuar për herë të parë në skenë

Këngëtari i muzikës, ‘rock’, Dukagjin Lipa, i cili është më shumë i njohur si babai i yllit botëror, Dua Lipa, është marrë me muzikë që në moshë të hershme.

Talentin për muzikë, ai e kishte shprehur që kur ishte vetëm 16 vjeçar, kur në atë kohë kishin themeluar grupin “Horizonti”.

I përmalluar për atë kohë, Dukagjini publikoi së fundmi në rrjetin social Instagram një fotografi nga ajo kohë, ku shihej krah miqve të tij me të cilët kishte themeluar grupin.

Lexo po ashtu "Don't start now" e Dua Lipës është kënga që ka qëndruar më së shumti në Top 10 nga një artiste britanike

“Sapo e mora këtë fotografi. Shfaqja me grupin tim të parë “Horizonti” në vitin 1986. Ishim 16/17 vjeç, Florent Boshnjaku, Driton Ukmata, Flamur Ahmeti dhe Mentor Haziri”, ka shkruar Lipa në Instagram.

https://www.instagram.com/p/B_kDWTGnl7X/

Dukagjini më pas themeloi grupin “ODA” në vitet ’80, dhe ishte frontmen i atij grupi që performonte muzikë të zhanrit ‘rock’.

Më pas, ai u shpërngul në Mbretërinë e Bashkuar së bashku me bashkëshorten, ku në vitin 1995 erdhi në jetë fëmija i tyre i parë, Dua. /Telegrafi/

https://www.instagram.com/p/B4H6jddhaKd/