Duka: Organizimi i Evropianit U-21 është me interes për vendin, kjo i shërben edhe njohjes së Kosovës

Armand Duka ka folur për organizimin e Kampionatit Evropian U21, ku Shqipëria ka aplikuar së bashku me Serbinë.

I pari i futbollit shqiptar ka thënë se shanset për të fituar të vetëm këtë organizim kanë qenë të pakta dhe për këtë kanë aplikuar së bashku me shtetin gjenocidial Serbinë.

Duka ndër të tjera ka thënë se ky organizim do t’i shërbejë edhe njohjes së Kosovës.

Lexo po ashtu “Të jetojmë në paqe me njëri-tjetrin”, Armand Duka flet për bashkëpunimin me Serbinë

“Organizimi i Evropianit U-21 është diçka e madhe dhe shanset për të fituar të vetëm këtë organizimi për të thënë të drejtën ishin të vogla”.

“Organizimi i Evropianit U-21 është me interes për vendin, pasi e fusim Shqipërinë në hartën e vendeve që organizojnë më së mirë. Vetëm futbolli të japë mesazhe paqeje dhe bashkëpunimi, kjo gjë i shërben edhe njohjes së Kosovës”, tha Duka.

Lexo po ashtu Reagime të ashpra nga komuniteti sportiv në Kosovë për idenë e organizimit të Kampionatit Evropian nga Shqipëria dhe Serbia

Aplikimi i Shqipërisë me Serbinë për të marrë përsipër organizmin e Euro 2027 për grupmoshat U21 ka ngjallur reagime të mëdha në Kosovë, por edhe në Shqipëri.

Edhe tifozët e Kombëtares së Shqipërisë, Tifozat Kuq e Zi kanë dalur me një reagim duke kundërshtuar këtë nismë. /Telegrafi/