Dua, Rita dhe yjet e tjerë do të mbajnë trëndafila të bardhë në Brit Awards

Ceremonia e ndarjes së çmimeve për muzikë Brit Awards do të zhvillohet gjatë javës së ardhshme.

Organizatorët kanë zbardhur disa detaje rreth ngjarjes kryesore muzikore në Britani të Madhe, që do të jetë tejet e rëndësishme edhe për publikun shqiptar.

E gjithë kjo pasi që në të do të jenë të pranishme edhe dy këngëtaret shqiptare, Dua Lipa dhe Rita Ora.

Këto dy të fundit së bashku me koleget tjera duke përfshirë prezantuesit dhe të ftuarit do të bartin një trëndafil të bardhë si simbol i solidaritetit.

E gjithë kjo në saje të mbështetjes së lëvizjes #TimesUp, e cila po u bën thirrje femrave të tregojnë rastet e abuzimeve dhe ngacmimeve seksuale.

Pos Dua Lipës, që është e nominuar në pesë kategori, edhe Sam Smith, Ed Sheeran dhe Paloma Faith janë ndër artistët që mund të shpërblehen.

https://www.instagram.com/p/BfL9qIRHegs/?hl=en&taken-by=ritaora

Theksojmë se Dua Lipa ka marrë pesë nominime – më shumë se çdo artist tjetër femër në historinë e ceremonisë.

Ndryshe, mbrëmje gala do të mbahet më 21 shkurt në kryeqytetin britanik të Londrës. /Telegrafi/

https://www.instagram.com/p/BfEN3UxFvNQ/?hl=en&taken-by=dualipa