Dua Lipa, Coldplay dhe The Beatles bënë që industria britanike e muzikës të shënojë rekord fitimesh vitin e kaluar

Dua Lipa, Coldplay dhe The Beatles ndihmuan industrinë britanike të muzikës të fitonte 519.7 milionë funte jashtë shtetit vitin e kaluar, që njëherësh është shifra më e lartë e regjistruar deri më tani.

Të ardhurat nga eksporti për muzikë u rritën me 6 për qind krahasuar me vitin 2019, të ndihmuar nga “rritja shpërthyese e transmetimit të muzikës”, tha shoqata e markave rekord BPI.

“Don’t Start Now” nga Dua Lipa ishte hiti më i madh britanik i vitit 2020, shkruan BBC.

Kënga u dëgjua 1.62 miliard herë në total, ndërsa albumi i saj fitues i çmimit Brits, “Future Nostalgia” ishte albumi i 10-të më i shitur i vitit.

“Fine Line” nga Harry Styles, doli edhe më mirë – duke u renditur si albumi i pestë më i shitur në botë për vitin 2020.

Pavarësisht nga këto arritje, nuk kishte asnjë artist britanik të renditur në mesin e 10 shitësve më të mirë të vitit në të gjitha formatet – duke ngritur pikëpyetje në lidhje me aftësinë e Mbretërisë së Bashkuar për të krijuar super yje globale në një treg gjithnjë e më konkurrues.

Në vend të kësaj, lista u kryesua nga banda koreane e muzikës pop, BTS, me pjesën tjetër të artistëve që vijnë nga Amerika e Veriut – përfshirë: The Weeknd, Billie Eilish dhe Taylor Swift.

Sipas BPI, Mbretëria e Bashkuar është ende eksportuesi më i madh i muzikës në botë, pas ShBA-së, por pjesa e saj në tregun global ka rënë nga 17 për qind në vitin 2015 në 10 për qind vitin e kaluar.

Sidoqoftë, me përjashtim të albumit të Dua Lipës, 2020 ishte relativisht vit i qetë për publikimet e reja të mëdha nga artistët britanikë. Ky vit mund të ketë më shumë rritje, me faktin se yje si: Adele, Ed Sheeran dhe Coldplay, të gjithë po punojnë në albumet e tyre të reja.

Popullariteti global i yjeve klasikë si: The Beatles, Queen, Pink Floyd dhe The Rolling Stones gjithashtu ka ndihmuar në mbështetjen e industrisë britanike të muzikës në shërbimet e distribuimit muzikor.

Në fillim të këtij viti, BPI njoftoi se të ardhurat totale të regjistruara të muzikës në Mbretërinë e Bashkuar ishin rritur me 3.8 për qind në vitin 2020 për të arritur 1.118 miliard funte, nxitur kryesisht nga rritja e transmetimit.

Ky është totali më i lartë që nga viti 2006 (1.17 miliard funte) dhe viti i pestë radhazi i rritjes.

Shifrat vijnë ndërsa muzikantët dhe autorët e këngëve bëjnë një protestë gjithnjë e më të zhurmshme në lidhje me mënyrën e trajtimit të të ardhurave nga distribuomi muzikor.

Unioni i Muzikantëve dhe Akademia Ivors për tekstshkrues dhe kompozitorë thanë në një hetim parlamentar mbi çështjen që krijuesit e muzikës po “mashtroheshin” nga honoraret, ndërsa shtëpitë diskografike korrin shpërblimet.

Sipas fushatës Broken Record, artistët marrin rreth 16 për qind të të ardhurave totale nga shitja, ndërsa kompanitë marrin rreth 41 për qind dhe platformat që e shesin këngën rreth 29 për qind.

Sidoqoftë, BPI ka argumentuar që transmetimi funksionon në favor të artistëve.

Ajo tha se 1,800 artistë kishin arritur më shumë se 10 milionë shitje në Mbretërinë e Bashkuar gjatë vitit 2020, duke i fituar rreth 29,400 funte secili.

Ai sugjeroi gjithashtu që shitja e ka bërë tregun më “demokratik” – me 10 artistët më të mirë që zënë vetëm 5 për qind të të gjithë muzikës së transmetuar vitin e kaluar.

Kur CD-të ishin forma dominante e konsumit të muzikës në vitin 2005, 10 artistët kryesorë ishin përgjegjës për 13 për qind të të gjitha shitjeve. /Telegrafi/