Paris Saint-Germain po has në probleme të mëdha sa i përket sulmuesit brazilian, Neymar.
Por, duket se telashet për ekipin parisien nuk po ndalen pasi që në horizont po shfaqet edhe në telashe e re për kampionët e Francës.
Në fakt, drejtori sportiv i klubit, Leonardo ka bërë të ditur se nuk e di nëse do të qëndrojë edhe pas këtij sezoni në ekip, Kylian Mbappe.
Ai ka refuzuar të komentojë për një ripërtëritje të mundshme të kontratës me kampionin e botës me kombëtaren franceze.
"Unë kurrë nuk bëj premtime dhe kam dy arsye: e para, është se nuk jam ai që bën gjithçka në këtë klub - e dyta, nuk dua të bëj një premtim në pa qenë i sigurt dhe tashmë jam përqendruar në të sotmen", tha ish-lojtari i Milanit.
Ndryshe, Mbappe është raportuar se po kërkohet nga Real Madridi gjersa në sezonin e kaluar ka pasur 43 paraqitje në të gjitha garat dhe ka shënuar 39 gola. /Telegrafi/
