Drejtori sportiv i Dortmund, Kehl zbulon një realitet të hidhur për Haalandin: Ai u bë barrë për dhomën e zhveshjes, flitej vetëm për të

Një nga transferimet më të mëdha të këtij afati kalimtar ishte kalimi i sulmuesit Erling Haaland në Manchester City për një shifër prej 60 milionë euro.

Ish-lojtari i Borussia Dortmundit ka shënuar tashmë 10 gola në vetëm gjashtë paraqitje në Ligën Premier dhe është në rrugë të mirë për të krijuar trashëgiminë e tij në Angli, veçanërisht nëse vazhdon me këtë përqindje golash.

Drejtori sportiv i klubit të tij, Sebastian Kehl, ka diskutuar ndikimin që lojtari kishte në Dortmund dhe sesi ai u detyrua të shiste yllin pasi ai u shpërqendrua në dhomën e zhveshjes.

“Në fund, çështja e Haaland u bë një detyrim në dhomën e zhveshjes”.

“Aq sa e donim Haalandin në fund ai u bë barrë për dhomën e zhveshjes, klubin dhe gjithë ambientin. Ai ishte bërë temë e të gjitha bisedave”.

“Jashtë klubit, pothuajse gjithçka ishte e fokusuar ekskluzivisht tek ai. Në fund, koha e transferimit ishte e duhur për të dyja palët. Dhe ne jemi të gjithë të lumtur për Erling që ai vazhdon të jetë i suksesshëm”, ka thënë Kehl për Sport Bild.

Drejtori sportiv i Borussia Dortmund gjithashtu pranoi se do të kishte dashur që Haaland të qëndronte dhe se si lojtari ishte një person shembullor dhe profesionist.

“Ne e dinim se çfarë lloj lojtari do të humbnim dhe se ai gjithashtu do të bënte ndryshimin në Manchester City”, ka deklaruar Kehl .

Përveç golave të tij në Ligën Premier, Haaland hapi llogarinë edhe në Ligën e Kampionëve, duke shënuar dy gola në fitoren e fundit të Man Cityt ndaj Sevillas./Telegrafi/