Drejtori ekzekutiv i Liverpoolit nuk garanton qëndrimin e Coutinhos

Drejtori ekzekutiv i Liverpoolit, Peter Moore nuk mund të garantojë që Philippe Coutinho të qëndrojë në Anfield edhe pas janarit.

Barcelona, Paris Saint-Germain dhe Real Madrid janë vetëm disa nga skuadrat e mëdha që janë duke u lidhur me Coutinho këtë javë.

Skuadra që ka gjasat më të mëdha për transferimin e tij është Barcelona dhe një largim të tij gjatë janarit nuk mund ta mohoj as Moore.

Lexo po ashtu Coutinho tanimë ka çmimin fiks, Barcelona e gatshme ta transferojë në 'Camp Nou'

“Ne kemi bërë një deklaratë vitin e kaluar që lojtari nuk është në shitje dhe kjo është deklarata e bërë nga pronarët e klubit “, ka thënë fillimisht Moore për Sky Sports Neëw.

“Pas kësaj, çdo ditë ju shihni tregime që burojnë nga Spanja se Barcelona, ose kushdo, po kthehen për Philippe Coutinhon”.

“Unë pashë një lojtar i cili ishte i lumtur dhe shënoi het-trik për klubin e tij para 54 mijë tifozëve të kënaqur në natën e së mërkurës”.

“Dhe çdo gjë tjetër përveç kësaj, fokusimi tani është të dielën dhe pastaj ne kemi West Bromin, dhe është e gjitha për Philippen në fushën e lojës tani”.

Lexo po ashtu Fabregas: Coutinhos i përshtatet stili i Barçës, është lojtar i madh

“Sa më përket mua, skuadra që kemi tani është skuadra me të cilën do të shkojmë në janar. Unë nuk kam një top kristali, kështu që nuk e di se çfarë do të ndodhë”

“Por, Philippe Coutinho është një lojtar i përkushtuar dhe po jep gjithçka për Liverpoolin”, përfundoi drejtori ekzekutiv i Resave. /Telegrafi/