Donkervoort F22 i ri mbërrin me 500 kuaj fuqi dhe me peshë prej 750 kg

Donkervoort ka prezantuar super-veturën e saj më të fundit, F22. Ai pason D8 si e vetmja makinë rrugore Donkervoort, me firmën që pretendon se F22 u ofron shoferëve “nivele të reja të shpejtësisë, pastërtisë së drejtimit dhe dizajnit”.

Një seri prodhimi fillestar prej 50 njësive të Donkervoort F22 të ri u shit pasi u zbuluan skicat origjinale, kështu që numrat u zgjeruan në 75. Klientët mund të presin që të marrin veturat e tyre nga janari 2023.

F22 ndjek një dizajn të ngjashëm me D8. Kapaku i gjatë dhe i hollë mbetet si pjesa e pasme e ngjeshur dhe struktura e hapur e rrotave të përparme, raporton Auto Express, transmeton Telegrafi.

I montuar mbrapa është një motor me pesë cilindra me turbo mbushje. Është i njëjti motor 2.5 litërsh që gjendet në Audi TT RS me 395 kuaj fuqi, por F22 ka 500 kuaj fuqi. Shpejtësia nga 0 deri në 100kMh (0-62mph) arrihet në më pak se 2.6 sekonda dhe shpejtësia maksimale është afro 300kMh (180mph).

E gjithë kjo fuqi dërgohet në rrotat e pasme përmes një transmisioni manual me pesë shpejtësi me teknologjinë e përputhjes së rrotullimeve – e të cilën drejtuesit mund ta fikin në mënyrë manuale.

Donkervoort thotë se zgjodhi një kuti ingranazhi me pesë shpejtësi për shkak të lehtësisë së natyrshme dhe fuqisë rrotulluese e cila është në dispozicion të super veturësF22.

F22 peshon vetëm 750 kg – që do të thotë se kjo veturë të peshojë pothuajse sa gjysma e një Ferrari 296 GTB, por që në fakt F22 do të peshojë për 55kg më shumë se vetura D8. Dankevoort e ka arritur këtë peshë duke konstruktuar një shasi cilindrike kryesisht nga fibrat e karbonit. /Telegrafi/