Doganierët gjermanë hapën valixhen e kuqe dhe u tronditën se sa para kishte brenda saj

Gjatë kontrollit të sigurisë në aeroportin ndërkombëtar të Munichut, doganierët zbuluan një valixhe plot me para, e cila ishte në pronësi të një gjermani me origjinë iraniane.

Sipas autoriteteve, pasagjeri 43-vjeçar dorëzoi bagazhin përpara fluturimit për në Stamboll dhe më pas u përpoq të hipte në aeroplan.

Gjithçka filloi pasi valixhe e kuqe kaloi një ekzaminim me rreze X, pas së cilës u njoftuan doganierët.

Sapo u hap, në të u gjet një grumbull parash, më saktë 1.4 milion euro!

“Kur largoheni nga një shtet jashtë Bashkimit Evropian duhet të raportohen të gjitha shumat mbi 10 mijë euro”, tha zëdhënësi i Shërbimit Hetimor Doganor.

Autoritetet e dinin identitetin e pasagjerit dhe më pas e ndaluan, raporton revista fenixmagazin.de.

Me kërkesë të prokurorit publik është urdhëruar konfiskimi i parave, si dhe dy telefonave celularë në pronësi të 43-vjeçarit. Policia dyshon se bëhet fjalë për një tentativë për pastrim parash.

Më pas është kontrolluar edhe banesa e tij, ku janë gjetur më shumë para dhe një makinë numërimi. /Telegrafi/