Disa kompani arabe tërheqin produktet franceze nga supermarketet, si përgjigje ndaj deklaratave të presidentit Macron mbi Islamin

Disa shoqata tregtare arabe kanë njoftuar një bojkot të produkteve franceze, në përgjigje të komenteve të fundit të bëra nga presidenti Emmanuel Macron mbi Islamin.

Sipas Al Jazeera, përcjell Telegrafi, në fillim të këtij muaji, Macron u zotua të luftojë “separatizmin islamik”, i cili ai tha se po kërcënonte të merrte kontrollin në disa komunitete myslimane përreth Francës.

Ai gjithashtu përshkroi Islamin si një fe “në krizë” në të gjithë botën dhe tha se qeveria do të paraqiste një projekt-ligj në dhjetor për të forcuar një ligj të vitit 1905 që ndau zyrtarisht kishën dhe shtetin në Francë.

Komentet e tij kanë çuar në një fushatë të mediave sociale që bën thirrje për bojkotin e produkteve franceze nga supermarkete në vendet arabe dhe Turqi.

#Tunisians launch the #BoycottFrenchProducts campaign in response to attacks on #Islam and #prophetMuhammed in #France.#تونس #قاطعوا_المنتجات_الفرنسية #إلا_رسول_الله #فرنسا pic.twitter.com/AKRsI28y9A

— Mourad TEYEB (مــراد التـائـب) (@MouradTeyeb) October 23, 2020

Hashtagë të tillë si #BoycottFrenchProducts në anglisht dhe arabisht kanë prirje në të gjithë vendet përfshirë Kuvajtin, Katarin, Palestinën, Egjiptin, Algjerinë, Jordaninë, Arabinë Saudite dhe Turqinë.

Dozens of muslim countries have already started to withdraw all French products from supermarkets under the name "for the Messenger of Allah ﷺ" after the start of the #boycott_french_products campaign, in response to the cartoon on the Prophet. pic.twitter.com/XuY3gD9aLW

— Barbara Garattini (@BGarattini) October 24, 2020

Në Kuvajt, kryetari dhe anëtarët e bordit të drejtorëve të Shoqatës Bashkëpunuese Al-Naeem vendosën të bojkotojnë të gjitha produktet franceze dhe t’i heqin ato nga raftet e supermarketeve.

Shoqata Dahiyat al-Thuhr ndërmori të njëjtin hap, duke thënë: “Bazuar në pozicionin e presidentit francez Emmanuel Macron dhe mbështetjen e tij për karikaturat fyese kundër profetit tonë të dashur, ne vendosëm të heqim të gjitha produktet franceze nga tregu dhe degët deri në një njoftim tjetër”.

Putting an insulting picture of the Prophet (pbuh)in a French building is an unprecedented challenge and an insult to a billion and a half of Muslims around the world
As Muslims, we must boycott #BoycottFrance #boycottfrenchproducts pic.twitter.com/lauaiPofKG

— Muhammad Akeel (@MuhammadAkeel0) October 24, 2020

Ndërsa në Katar, kompania Wajbah Dairy njoftoi një bojkot të produkteve franceze dhe u zotua të sigurojë alternativa, sipas llogarisë së tyre në Twitter.

Al Meera Consumer Goods Company, një kompani aksionare e Katarit, njoftoi në Twitter: “Ne kemi tërhequr menjëherë produktet franceze nga raftet tona deri në një njoftim tjetër”.

(1/2) عطفًا على مستجدات الأحداث الأخيرة والمتعلقة بالإساءة المتعمدة للإسلام ورموزه، فقد قرَّرت إدارة جامعة قطر تأجيل فعالية الأسبوع الفرنسي الثقافي إلى أجل غير مسمى.

— جامعة قطر (@QatarUniversity) October 23, 2020

Universiteti i Katarit gjithashtu u bashkua me fushatën. Administrata e tij ka shtyrë një ngjarje të Javës Kulturore Franceze për një kohë të pacaktuar, duke përmendur “abuzimin e qëllimshëm të Islamit dhe simboleve të tij”. /Telegrafi/