Dikur i kishin frikën të gjithë, sot luftëtari i MMA-s nuk mund të njihet nga transformimi trupor

Alistair Overeem, një luftëtar i dekoruar në MMA i njohur më parë për fizikun e tij të jashtëzakonshëm, së fundmi iu nënshtrua një transformimi spektakolar, imazhet e të cilit tronditën fansat e luftimeve në mbarë botën.

Ndërsa imazhet u bënë virale, adhuruesit e Overeem shprehën shqetësime për shëndetin e tij për shkak të rënies së tij të mahnitshme në peshë.

Megjithatë, pyetja mbetet: Si ia doli që ish-sfiduesi i titullit të peshave të rënda të UFC të humbiste një peshë kaq të konsiderueshme në një hark kaq të shkurtër kohe?

“Unë ia përkushtova çdo gjë shëndetit tim dhe ky është kapitulli im i ri. Promovimi i një jete më të shëndetshme. U bëra vegjetarian. Nuk kam më dëshirë të ha mish. Nuk është i mirë dhe ka një efekt të keq në trup. Nuk do ta ha më”, ka thënë Overem.

Megjithëse detajet specifike të udhëtimit të mrekullueshëm të humbjes së peshës së Overeem mbeten të pakapshme, imazhet e fundit tani janë shfaqur në internet që tregojnë ish-yllin e UFC-së duke vizituar klinikën e njohur Osteopatike Kanehara në Japoni për trajtim, me plane të shëndetshme për humbje peshe.

Këto metoda shmangin dietat, duke u fokusuar në promovimin e zakoneve më të shëndetshme të të ngrënit dhe kultivimin e një kuptimi të lëndëve ushqyese thelbësore për funksionimin optimal të trupit. Rezultati nuk është vetëm heqja e peshës së tepërt, por edhe nxitja e një gjendjeje të përmirësuar mirëqenieje. /Telegrafi/

SKINNY OVERREEM????? pic.twitter.com/SJRTtPFU7L

— Spinnin Backfist (@SpinninBackfist) June 19, 2023