Dieta e re, skuadra e ndërtuar përreth tij dhe bashkëpunimi me Lautraron: Si Conte e ‘ringjalli Lukakun nga mbipesha që e kishte te United?

Mund të thuhet se Romelu Lukaku është ringjallur te Interi, pas kalimit në verën e kaluar nga Manchester United.

Sulmuesi belg ishte kritikuar shumë për formën e tij te Djajtë e Kuq, për më shumë edhe për mbipeshën që e kishte.

Dukej se lojtari as nuk mund të vraponte si duhej, ndërsa talljet për të vazhdonin edhe nga aspekti se ai nuk mund të pranonte topin e parë si duhet.

Por, me kalimin e tij te Nerazzurët, belgu është një lojtar krejtësisht tjetër dhe kjo mund të thuhet fal Antonio Contes.

Çfarë e ndryshoi Lukakun?

Skema 3-5-2 e Contes bëri që sulmuesi të përshtatej mjaftë mirë, por ai kishte punuar shumë edhe në ndeshjet parasezonale.

https://www.instagram.com/p/B_zx9wYjnby/?utm_source=ig_embed

Sipas mediave në Itali, lojtari kishte mbajtur një dietë strikte të t’u rikthyer në peshën e duhur, ndërsa ish-strategu i Chelseat i kishte kumtuar atij se ka besimin e plotë.

Skuadra e Interit filloi të ndërtohej përreth tij, ndërsa partneriteti me Luataro Martinezin ka dalë të jetë mjaftë i suksesshëm.

Lukaku në edicionin që lamë pas shënoi 23 gola dhe bëri dy asistime në Serie A, për të ndihmuar Interin që të pozicionohej në vendin e dytë me 82 pikë, një më pak se Juventusi që u shpall kampion. /Telegrafi/