Diamant prej 1,174 karatësh u zbulua në Botsvana

Një diamant i madh 1,174 karat është zbuluar në Botsvana, ka thënë një kompani minierash, diamanti i dytë masiv që u gjet në vend brenda disa javësh.

Shkëmbi i rrallë u gjet në minierën e diamanteve Karowe, muajin e kaluar dhe iu paraqit qeverisë në një ceremoni.

Është diamanti i tretë me më shumë se 1.000 karat i gjetur në vend dhe tani do të bëhet një “koleksion i vlefshëm diamanti me shkëlqim me ngjyra”, tha firma kanadeze e minierave, Lucara Diamond, transmeton Telegrafi.

https://twitter.com/LucaraDiamond/status/1413162293739753479

Diamanti është më i madh sa një gur 1,098 karat i gjetur gjithashtu në Botsvana në muajin qershor, i cili besohej të ishte diamanti i tretë më i madh në botë, raporton cnn.

Në vitin 2019, firma zbuloi atë që besohet të jetë diamanti i dytë më i madh në histori – një gur marramendës 1,758 karat – në minierën Karowe.

Aktualisht, diamanti më i madh i regjistruar ndonjëherë është Diamanti Cullinan 3,106 karat, i gjetur në Afrikën e Jugut në vitin 1905.

Më pas Cullinan u pre në gurë më të vegjël, disa prej të cilëve formojnë pjesë të bizhuterive të kurorës së familjes mbretërore britanike. /Telegrafi/