Dhjetë transferimet më të shtrenjta të janarit – Coutinho i pari, Carillo i dhjeti (Foto)

Afati kalimtar i transferimeve të janarit ka përfunduar në të gjitha ligat e mëdha evropiane, ku nuk kanë munguar edhe shpenzimet.

Skuadra e Barcelonës, ajo Arsenalit, Liverpoolit dhe Manchester City janë në mesin e atyre që kanë shpenzuar më shumë para për përforcime në radhët e tyre.

Transferimi më i shtrenjtë i këtij afati kalimtar padyshim se është ai i Philippe Coutinhos, i cili nga Liverpooli kaloi te Barcelona.

Lexo po ashtu Dita e fundit e afatit kalimtar 'Janar 2018'

Vendi i dytë i takon skuadrës së Liverpoolit, e cila me paratë e fituara nga shitja e Coutinhos i investoi te afrimi i mbrojtësit Virgil Van Dijk nga Southamptoni.

Në vendin e tretë renditet mbrojtësi spanjoll, Aymeric Laporte, i cili u transferua nga Athletic Bilbao te Man City, ndërsa lista vazhdon me Pierre-Emerick Aubameyang që kaloi nga Borussia Dortmundi te Arsenali.

Transferimi i pestë më i shtrenjtë në afatin kalimtar të janarit është bërë nga skuadra kineze, Beijing Guoan, që kanë afruar sulmuesin Cedric Bakambu nga Villarreali.

Lista e transferimeve të shtrenjta vazhdon me baskun Inigo Martinez, i cili u transferua nga Real Sociedadi te Bilbao si zëvendësues i Laportes, ndërsa pasohet nga Cenk Tosun që erdhi nga Besiktasi te Evertoni.

Lexo po ashtu Formacioni më i mirë i transferimeve të janarit - Nga Cesar, tek Coutinho e Sanchez (Foto)

Në dhjetëshen më të shtrenjtë të transferimeve bëjnë pjesë edhe ai i Lucas Mouras, Theo Walcottit dhe Guido Carillos.

Portali britanik Goal.com ka përpiluar listën prej 10 transferimeve më të shtrenjta, ndërsa Telegrafi më poshtë ua sjell ato.

1.Philippe Coutinho: Nga Liverpool te Barcelona, 120 milionë euro plus 40 milionë bonuse

2.Virgil van Dijk: Nga Southampton te Liverpool, 85 milionë euro  

3.Aymeric Laporte: Nga Athletic Bilbao te Manchester City, 65 milionë euro

4.Pierre-Emerick Aubameyang: Nga Borussia Dortmund te Arsenal, 63 milionë euro

5.Cedric Bakambu: Nga Villarreal te Beijing Guoan, 40 milionë euro

6.Inigo Martinez: Nga Real Sociedad te Athletic Bilbao, 32 milionë euro

7.Cenk Tosun: Nga Besiktas te Everton, 30.8 milionë euro

8.Lucas Moura: Nga Paris Saint-Germain te Tottenham, 28.5 milionë euro  

9.Theo Walcott: Nga Arsenal te Everton, 22.8 milionë euro

10.Guido Carrillo: Nga Monaco te Southampton, 21.8 milionë euro  

/Telegrafi/