Detyra thërret: Zjarrfikësi e la qethjen në gjysmë, u nis të intervenonte me kokë gjysmë të rruar (Video)

Një zjarrfikës ka intervenuar për fikjen e zjarrit në një fushë, me kokën gjysmë të rruar, pasi u nis të intervenonte, derisa ishte duke i rregulluar flokët te berberi.

Paul Farman ishte gati në përfundim, kur i arriti alarmi emergjent, se nevojiten zjarrfikës shtesë në një regjion në Lancanshire të Anglisë, transmeton Telegrafi.

Në atë moment, 49-vjeçari është ngritur për të shkuar në bazë, që të veshë uniformën dhe të niset për në ndihmë.

Vetëm pasi gjithçka përfundoi, kolegët e tij panë ai ‘po kalon një ditë të keqe flokësh’. Mirëpo, më vonë mënuan se Farman la gjithçka në gjysmë, duke intervenuar jashtë orarit të punës.

“Kjo është jeta jonë, t’ju gjendemi të tjerëve kur janë më së vështiri. Janë të panumërta rastet, kur e kemi lënë ushqimin në gjysmë, ose argëtimin me familje dhe i jemi përgjigjur emergjencës”, ka thënë Farma.

‘Stili’ i tij i flokëve dhe përgjigjja ndaj detyrës, është komentuar në mënyrë pozitive nga komuniteti, ndërsa ka marrë lëvdata të mëdha nga zyrtarët e bazës zjarrfikëse ku shërben. /Telegrafi/