Derisa tifozët ia thërrisnin emrin, Xhaka dha një intervistë plotë pasion pas derbit Chelsea-Arsenal

Granit Xhaka kishte një intervistë të pasionuar për BT Sport pas fitores vendimtare të Arsenalit 1-0 në udhëtim te Chelsea.

Topçinjtë dominuan Blutë në terrenin e tyre nga fillimi në fund dhe u shpërblyen kur një harkim nga këndi i Bukayo Sakas e gjeti mbrojtësi Gabriel Magalhaes që shënoi në pjesën e dytë. Skuadra e Mikel Artetës ishte në gjendje të shihte ndeshjen dhe të fitonte tre pikë jetike, pasi ata rimorën vendin e tyre në krye të tabelës së Ligës Premier nga Manchester City.

Një Xhaka i apasionuar është intervistuar pas ndeshjes para tifozëve adhurues të udhëtimit, të cilët ia thirrnin emrin. Por, mesfushori nuk mundi ta frenonte pasionin e tij teksa lëshoi një fjalë të papërshtatshme në transmetim televiziv.

“Ju mund ta shihni atmosferën, është e pabesueshme”, duke treguar nga tifozët e Arsenalin, përpara se gazetari të ndërhynte dhe të kërkonte falje.

“Nga fillimi, deri në fund, mendoj se e merituam të fitonim sot. Ne ishim ekipi shumë, shumë më i mirë”.

“Jemi shumë të lumtur që gjithçka po shkon mirë për momentin. Ne po mbajmë gjithçka që na thonë trajnerët dhe këto janë rezultatet”.

View this post on Instagram

A post shared by Telegrafi Sport (@telegrafisport)

“Dëgjo, pas sezonit, askush nuk të pyet se si fiton në nëntor, dhjetor ose janar. Ne po përpiqemi të marrim shumë pikë, sa më shumë që të jetë e mundur dhe më pas, le të shohim se ku do të përfundojmë”, ka vazhduar ai.

Xhaka vendosi një tjetër shfaqje solide në mes të fushës, duke vazhduar formën e tij yjore këtë sezon. /Telegrafi/

Granit Xhaka at full time. #afc https://t.co/a45bmjM6Kd

— DailyAFC (@DailyAFC) November 6, 2022