Gjermania do të pranojë 11 milionë doza të vaksinës Pfizer dhe BioNTech deri në muajin mars, njoftoi ministria e shëndetësisë në vend.
Sipas medieve të huaja, përcjell Telegrafi, vetëm në muajin janar, do të sigurohen tre deri në katër milionë doza të vaksinës, bazuar në deklaratën e zëdhënësit të ministrisë, Hanno Kautz.
“Rreth 11 milionë doza të vaksinës nga Pfizer/BioNTech do të jenë të disponueshme nga muaji mars”, u shpreh ai.
Kautz u shpreh se Gjermania pret që Agjencia Evropiane e Barnave (EMA) të miratojë vaksinën BioNTech deri në fund të muajit dhjetor, e cila më pas do të konfirmohet nga Komisioni Evropian.
Të dielën, ministri gjerman i shëndetësisë, Jens Spahn, i bëri thirrje agjencisë të përshpejtojë miratimin e vaksinës Pfizer. /Telegrafi/
