Një burrë “i dehur” është filmuar duke kërcyer në binarët e trenit, duke bërë që të gjithë kalimtarët e rastit të aktivizohen që ta shpëtojnë në sekondën e fundit - nga treni që vinte me shpejtësi jashtëzakonisht të madhe.
Pamjet e publikuara më poshtë shfaqin momentin kur burri kërcen në binarë në stacionin Belvedere të Londrës, transmeton Telegrafi.
Ai dukej gjysmë i zhveshur dhe me një shishe alkool në dorë, por ishin kalimtarët e rastit ata që vrapuan për ta tërhequr nga binarët dhe ta fusin nën platformë për t’i shpëtuar rrotave të çelikta të trenit.
Madje njëri prej kalimtarëve të rastit rrezikon jetën e tij për ta shpëtuar burrin e dehur – pasi pak centimetra e ndanin nga përplasja që do të ishte fatale për të.
Megjithatë është shumë interesant se si burri që përfundoi në binarë kishte shpëtuar pa as lëndimin më të vogël – pavarësisht që në pamje duket sikur ai zhduket kur kaloni treni. /Telegrafi/
