De Groot: Vendimi për falje i kryetarit Ivanov duhet të tërhiqet plotësisht

Ambasada holandeze në Shkup ka lëshuar një njoftim për opinionin, në lidhje me vizitën e sotme të drejtorit të përgjithshëm për bashkëpunim evropian, Robert de Groot, i cili në Shkup erdhi si përfaqësues në nivelin e zv. ministrit të punëve të jashtme të mbretërisë holandeze, njofton Telegrafi Maqedoni.

Gjatë takimeve të tij, de Groot ka shprehur shqetësimin në lidhje me situatën e tanishme politike në vend, e cila është e paqëndrueshme dhe që mund të përmirësohet vetëm përmes një procesi gjithpërfshirës që bazohet në transparencë dhe përgjegjësi nga të gjithë politikbërësit.

Më tej, në njoftimin e ambasadës thuhet se të gjitha palët duhet të përfshihen në përcaktimin dh ezbatimin e programit reformues të marrëveshjes së Përzhinos, duke shprehur edhe një herë theksin e de Groot në rëndësinë e përgjegjësisë dhe respektimin e sundimit të ligjit nga të gjitha palët, që përfshinë mbështetjen dhe funksionimin pa pengesa të Prokurorisë Speciale Publike (PSP).

Porosia e de Groot është se vendimi për falje i kryetarit Ivanov duhet të tërhiqet plotësisht./Telegrafi/