Darkë në qiell – Singapor Airlines ofron një eksperiencë të jashtëzakonshme për udhëtarët

Linja ajrore “Singapore Airlines” u ofroi turistëve entuziastëve një udhëtim në një restorant të pazakontë. Aeroplani A380 është bërë përkohësisht një strukturë hotelierike dhe çmimi i darkës është rreth 400 euro.

Kompania njoftoi se të gjitha “biletat” për darkë ishin shitur në më pak se gjysmë ore dhe se A380, një nga aeroplanët më të mëdhenj të pasagjerëve, do të bëhet një restorant në datat 24 dhe 25 tetor, transmeton Telegrafi.

Për shkak të numrit të zvogëluar të fluturimeve dhe arsyeja e pandemisë së coronavirusit, shumë kompani në Australi, Japoni dhe Tajvan ofrojnë “fluturime jo destinuese”, pra fluturime me ngritje dhe ulje në të njëjtin aeroport, raporton businessinsider.

Kompania në Singapor ofroi një restorant në aeroplan me 900 vende. Darka më e shtrenjtë është planifikuar për klasën e parë dhe do të ketë katër pjata të ndryshme në menu.

Gjatë mbrëmjes, masat sanitare do të respektohen në mënyrë që disa vende të jenë bosh.

Për ata që duan të “udhëtojnë” pa u larguar nga shtëpia, është planifikuar edhe një darkë për dorëzimin në shtëpi. /Telegrafi/