Dallimi i vogël mes kryeveprës së shekullit të XVIII-të dhe pikturës nga mekaniku i pensionuar (Foto)

Pensionisti ka rikrijuar kryeveprën e Canalettos, megjithëse kurrë nuk ka kapur brushë më parë, vetëm pasi sfidoi vetën se ‘mund të bëjë më shumë’ se piktori i famshëm italian.

Ken Small që jeton në Darlington të Anglisë, ka punuar si mekanik derisa u pensionua në moshën 65-vjeçare, kur edhe kuptoi se ka talent në art.

Gjyshi i pesë nipave, vendosi ta pikturoi versionin e tij të “Venedikut”, pikturës së famshme të shekullit të XVIII-të që është punuar nga Giovanni Antonio Canal, i njohur si Canaletto, transmeton Telegrafi.

Pasi vizitoi një galeri në vitin 2014, ai vendosi të imitoi kryeveprën e famshme, por duke shtuar më shumë zogj dhe ngjyra më të thella dhe të pasura.

Krijimi i tij mahnitës – i emëruar si “The Kenny-lleto” – i punuar me ngjyrat moderne Alkyd, i mori afro tre vjet kohë.

Babai i tre fëmijëve, njëherë kishte menduar të hiqte dorë nga projekti, sepse ishte shumë i vështirë. Por, dëshira e madhe për të pikturuar, e bëri të vazhdonte deri në pikën e fundit.

I martuar për 17 vjet, tani Ken jeton si beqar, ndërsa vazhdon të pikturojë, se ‘më pëlqen shumë’.

Pos qytetit italian, 84-vjeçari ka pikturuar edhe Mbretëreshën Elzabetë pasi iu dha një leje e veçantë, Robert de Niron, si dhe çiftin e ri mbretëror Meghan Markel dhe Princ Harry.

Qëllimi tij i radhës, është të hapë një ekspozitë, ndërsa asnjërën prej pikturave nuk e ka për shitje. /Telegrafi/