Site icon Telegrafi

Dalin pamjet se përse Mourinho e quajti Karsdorpin “joprofesionist” dhe të gjente klub të ri në janar

Driton Gajraku

Janë publikuar që tregojnë arsyen pse Jose Mourinhos ishte i acaruar me Rick Karsdorp pasi trajneri portugez e quajti atë “joprofesionist”.

Në një konferencë shpërthyese për shtyp pas ndeshjes pas barazimit 1-1 kundër Sassuolos të mërkurën, Special One e goditi mbrojtësin holandez.

Ai nuk e përmendi emrin e Karsdorp në mënyrë specifike, por tha se përpjekjet e ekipit të tij u “tradhtuan” nga “një lojtar joprofesionist” dhe i tha atij të gjente një klub të ri.

“Një qëndrim joprofesional që nuk është i drejtë me shokët e tij të skuadrës, kjo është ajo që më zhgënjen. Një pikë si mysafir nuk është ende një rezultat negativ dhe jam i kënaqur me qëndrimin e përgjithshëm të skuadrës sime”.

“Nuk do t’ju tregoj (cili lojtar). Unë kisha 16 lojtarë në fushë sonte dhe më pëlqeu qëndrimi i 15 prej tyre. Në janar, ai duhet të gjejë një klub tjetër”, ishte deklarata e portugezit.

Menjëherë u raportua nga Corriere Dello Sport se Karsdorp ishte lojtari në fjalë dhe kjo është konfirmuar që atëherë , me ish-lojtarin e Feyenoordit të lënë jashtë skuadrës për ndeshjen me Torinon të dielën.

Karsdorp reagoi me një emoji “zemërthyer” në storien e tij në Instagram dhe raportimet thonë se ai tashmë është larguar nga Roma.

Dhe pamjet janë shfaqur për të dhënë një tregues se pse Mourinho ishte kaq i zemëruar me Karsdorp. 27-vjeçari hyri si zëvendësues i Mehmet Zeki Çelikut në krahun e djathtë në minutën e 65-të dhe dukej i painteresuar që nga momenti kur doli në fushë.

Ai ishte jashtëzakonisht pasiv, rrallëherë hynte në duele me kundërshtarin e tij. Në një moment, kur ai lejoi një lojtar të Sassuolos të bënte një goditj, derisa Bryan Cristante u pa duke qortuar Karsdorp.

Karsdorp më pas u kap keq për golin e barazimit kur topi u harkua nga ana e tij. /Telegrafi/

Exit mobile version