Conor Gallagher ngurron të largohet nga Chelsea mes interesimit të Tottenhamit

Sipas një raportimi nga Sun Sport, Conor Gallagher dëshiron të qëndrojë dhe të luftojë për vendin e tij në Chelsea mes interesimit të vazhdueshëm nga Tottenhami.

Thuhet se Blutë janë të hapur për ta lënë atë të shkojë për çmimin e duhur. Megjithatë, mesfushori mbetet ngurrues për t’u larguar nga Stamford Bridge përpara mbylljes së afatit në javën e ardhshme (1 shtator).

Pasi West Hamit thuhet se iu kishte refuzuar një ofertë prej 45 milionë euronë fillim të kësaj vere, Spurs thuhet se janë të dëshpëruar për të nënshkruar me lojtarin.

Lexo po ashtu Chelsea mund të tentojë një strategji të re transferishmesh, pas startit të dobët në këtë sezon

Tottenham është në treg për një mesfushor të ri qendror me Rodrigo Bentancur ende jashtë për shkak të lëndimit dhe Pierre-Emile Hojbjerg të lidhur me një largim.

Gallagher ka nisur tri ndeshjet e para të sezonit 2023-24. Shanset e tij për futboll të rregullt janë ndihmuar edhe nga lëndimet e Christopher Nkunku dhe Carney Chukwuemeka.

Megjithatë, ai ka të ngjarë të largohet nga formacioni startues sapo Romeo Lavia të bëjë debutimin e tij. /Telegrafi/