“Çka do të bëja pa ty?”, urimi emocional i Rita Orës për motrën Elenën (Foto)

Sot ajo është ikonë e modës dhe e stilit, por jo vetëm.

Megjithatë, Rita Ora dikur ka qenë një fanse e flaktë e motrës së saj Elenës, duke bërë atë që ajo bënte.

Për të festuar ditëlindjen e motrës së saj këtë të enjte, Rita ka shpërndarë një fotografi të dikurshme nga fëmijëria e tyre, e cila e shfaqë atë dhe Elenën në kostum të balerinave.

Në foton e mrekullueshme Rita dhe Elena mbajnë duart bashkë teksa edhe dukjen e kanë të njëjtë.

Përbri fotos, Rita ka shkruar një mesazh tejet emocional, me të cilin edhe uroi ditëlindjen e motrës së saj, shkruan Telegrafi.

“Çka do të bëja pa ty? Zoti e din. Ti je gjithçka dhe arsyeja pse unë jam kjo sot. Sa herë më brohorit, e di se është për të mirën time dhe se më do”, u shpreh Rita në mesazhin në fjalë.

Lexo po ashtu Rrëfimi i Rita Orës në aventurën America's Next Top Model (Foto)

Ajo shtoi se pëlqente që të kopjonte Elenën si fëmijë.

“Më kujtohet kur nëna na veshte njëjtë sepse unë do të qaja nëse nuk do të kisha gjënë e njëjtë sikurse ti, kurse shpeshherë ti më jepje gjërat tua, sepse këtë e bëjnë motrat e mëdha”.

“Ne ndërtuam këtë së bashku dhe do të mbajmë bashkë gjithmonë. Jam krenare me ty dhe gjithçka që ke arritur deri tani. Urime motër”, shtoi në mesazh Rita.

Rita dhe Elena ndajnë së bashku një shtëpi në Londër, por së fundmi këngëtarja është tejet e zënë.

Ajo po qëndron në Los Angeles ku i është përvjelur punës në studio për herë të parë që prej largimit nga Roc Nation dhe bashkëpunimi me Jay Z, në një tentim të ri për të lansuar një album të ri që nga albumi “Ora” i vitit 2012. /Telegrafi/